طريقة عمل دراي كيك

زى الجاهز واحلى
 🎂 المقادير
5 بيضات كبار
كوب معياري سكر + م ك فانليا
او اى منكه تفضلو + رشة ملح
كوب معياري زيت
3اكواب دقيق
كباية الا ربع حليب
ملعقة كبيرة باكنج باودر
زبيب او اي فواكه مجففة

طريقةالتحضير:
 نضربهم بمضرب الكهرباء كويس جدا لما يتضاعف حجمهم تقريبا 10 د لما يبقو كريمي..نضيف ليهم كوب معياري زيت ونواصل نضرب لما يبقى القوام تقيل..نوقف المضرب ونضيف 3 كوب معياري دقيق منخول + م ك باكنج باودر +  3 ارباع كوب حليب + زبيب او اى فواكة مجففة نقلبها فى شوية دقيق حتى نضيفها عشان ما تنزل فى تحت فى اخر الصينية ...نضيفهم شوية شوية بالتبادل مرة دقيق ومرة حليب ونقلبهم بملعقة او اسباتيولا  من تحت لفوق بدون ما نطلع الهواء الفي الخليط لحدي نخلص كل الكمية..العجينة بتكون لينة وانقل من عجين الكيك العادى نصبها على صينية حجمها مناسب مدهونة زيت ورشة دقيق ونساوى سطحها بملعقة...وندخلها فرن مسخن مسبقا ع ال180م لما وشها يحمر وما نفتح الفرن قبل وشها يحمر لانها حتهبط وتفشل تماما..نطلعها ونقطعها وهو حار ونقلبها على الجوانب ونرجعها الفرن تحت الشواية ونقلبها عشان يتحمص من الجهتين...لو عايزينو يفضل طري شوية زى الجاهز حنخليهو يبرد ونقفلو فى علبة ..لو عايزينو ناشف خلوهو فى الصينية لما ينشف ...وبالعافية

*الكمية دى كافية لصينية الفرن الكبيرة  35×30 سم
*كوب معياري = 2 كوب شاى سادة.